Orang Kagak Mati Ditembak

"Assalamu 'alaikum, lagi ngapain Khlis, kayanye lu sibuk banget?" sapa Budi pada sohibnya Mukhlis yang lagi memotong kayu.

"Wa'alaikum salam, eh elu Di, ini gue lagi bikin pestol-pestolan buat adek gue si Adun," jawab Mukhlis sambil ngumpulin potongan-potongan kayu yang baru dibuatnya.

"Kreatif juga lu," kata Budi, "Ngomong-ngomong soal pestol-pestolan, gue punya tebak-tebakan nih."

"Ah elu mah kaga jauh dari tebak-tebakan. Coba ape pertanyaannye?" sahut Mukhlis sambil ngampelasin potongan kayu tadi.

"Nih pertanyaannye. Orang ape yang kaga mati ditembak?" tanya Budi sambil ikutan ngampelasin juga.

"Ah itu mah kecil, kaga ade pertanyaan laen ape. Jawabnye tuh orang kebal," kata Mukhlis merasa menang.

"Salah," sahut Budi.

"Kalo bukan orang kebal, pasti orang sakti," kata Mukhlis sambil merangkai potongan-potongan kayu tadi.

"Salah juge," ujar Budi.

"Orang kebal bukan, orang sakti juga bukan, abis ape dong jawabannye?" kata Mukhlis mulai keki.

"Jawabannye, orang kaga kena, mane mati ditembak," kata Budi cengengesan.

Sent by: e-ketawa posted on 22 May 2012